Beşdariya Yekmalê di Festîvala Havînê ya Galeriya Berlînê de

Wêne ji aliyê: Maryna Markova/Yekmal e.V.

Roja 13ê Tîrmeha 2025an, Galeriya Berlînê di salvegera xwe ya 50emîn de festîvala havînê li dar xist. Komên jin û mêran ên ji beşa me ya Beşdarî û Civatsaziyê ku ji sala 2022an vir ve di çarçoveya bernameya bicîhbûnê ya "Standortwechsel" de bi Galeriya Berlînê re hevkariyê dikin, beşdar bûn.

Li şûna kulîlkan, Kolektîva kulîlkan şerê balîfan amade kir - bi rastî jî wisa bû! Çend mehan, koma me ya jinan bi baldarî li ser balîfên bi awayekî takekesî hatine dîzayînkirin, xebitî. Bergên balîfan hatin nexişandin, boyaxkirin û dirûtin. Balîfên me di roja şahiyê de li ser kanapeyek mezin û balkêş di galeriyê de cih girtin. Ev ezmûnek taybetî bû ji bo zarok û dêûbavan. Balîf di hewayê de difiriyan, gelek ken û henek hebûn. Di dawiyê de hemûyan xwe dirêjkirin - westiyayî, lê kêfxweş!

Wekî beşek ji beşdariya kolektîv, mêvanan jî dikaribûn balîfên xwe yên biçûk li wir binexşînin û wekî bîranîneke vê roja taybet bi xwe re bibin malê.

Di heman demê de, koma me ya mêran di odeyên galeriyê de studyoyek vekirî ava kir. Li wir, wan xebatên xwe yên darîn nîşan dan ku bi amûr û teknîkên cuda hatibûn çêkirin. Herweha çîrokên li pişt van karan parve kirin. Mêvan jî hatin vexwendin ku li wir bi materyalên cûrbicûr re van karên darîn bicerbînin.

Rojeke tijî lihevrasthatin, enerjiya afirîner û çalakiya kolektîv. Tam wekî ku em jê hez dikin!

Em wek komeleya Yekmalê, ji dil salvegera 50-emîn a Galeriya Berlinê pîroz dikin û ji berdewamiya hevkariya me re kêfxweş in.