Cudakarî di dema Kupaya Cîhanê de

Di 19ê Tîrmeha 2026an de, li ser vexwendina Ferat Koçak, endamê Parlamentoya Almanyayê (Partiya Çep), em beşdarî çalakiyekê bûn ku bi helkefta lîstika dawî ya Kûpaya Cîhanê hat lidarxistin. Rêvebera beşa me ya li dijî cudakariyê di çalakiyê de axivî û Ofîsa Qeydê ya Neuköllnê da naskirin.

Li her navçeyeke Berlînê Ofîsa Qeydê heye. Ew wek civaka sivîl çavdêriya bûyerên cudakarî û nijadperestiyê dikin û rêyek hêsan pêşkêşî mirovan dikin da ku serpêhatiyên xwe qeyd bikin. Ofîsa Neuköllnê ji aliyê komeleya Yekmalê ve tê birêvebirin.

Çima girîng e?

Tenê dema ku bûyerên cudakariyê werin belgekirin, meyl dikarin werin destnîşankirin, statîstîk werin analîzkirin û tedbîrên pêwîst werin pêşxistin. Mimkun e ku meriv bibîne ka bûyerên nijadperestî li dora hin bûyeran zêde dibin. Mînak, di dema pêşbaziyên mezin ên futbolê yên wekî Kupaya Cîhanê de.

Ofîsa Qeydê ya Neuköllnê rêbazên cûrbicûr pêşkêş dike ji bo qeydkirina bûyeran. Hûn dikarin bi rêya koma me ya Signal (mînak, bi wêne an nivîsên kurt), bi rêya Instagramê, bi rêya E-Mailê an jî bi karanîna forma qeydê li ser malpera Ofîsên Qeydê (Registerstelle) bûyera xwe qeyd bikin.

Her rapor girîng e. Bi hev re em bûyerên cudakariyê didin xuyakirin, ji ber ku tekoşîn tenê wê demê pêkan e ku bûyer xuya bibin.