ڕۆژی زمانی کوردی لە ئێسن بەرز ڕاگیرا
ڕێکەوتی ١٦ی ئایاری ٢٠٢٥ لقی یەکماڵ لە ئێسن لە هۆڵەکانی ئەکادیمیای پەروەردە و کاروباری سۆسیال (ABS) ڕۆژی زمانی کوردی بەرز ڕاگرت.
چەندین دایک و باوک لەگەڵ منداڵەکانیان بەشداری چالاکییەکەی ئێمەیان کرد. لە بەرنامەدا موزیکی کوردی، خوێندنەوەی چیرۆک بە زمانی کوردی و پێشبڕکێیەکی بچووک هەبوو. دواتریش بەشداران خواردن و خواردنەوەی سووکیان خوارد. ئامادەبوان کاتێکی خۆشیان لەگەڵ ئاهەنگەکە بەسەربرد.
هەروەها لە میانەی ئاهەنگەکەدا ئێمە مژدەیەکی خۆشمان ڕاگەیاند. لەمەودوا لە فێرگەیەکی دیکەی شاری ئێسن وانەی زمانی کوردی پێشکەش دەکرێت. ئەمە دەبێتە چوارەمین فێرگەی شارەکە کە وانەی کوردی تێدا بخوێندرێت.
ساڵ بە ساڵ ئاهەنگەکەمان بەبۆنەی ڕۆژی زمانی کوردی گەورەتر دەبێت. هیوادارین ساڵی داهاتوو خەڵکی زیاتر بەشداری لە چالاکییەکەماندا بکەن و جڤاتەکەمان هەمیشە لە فرەوانبووندا بێت.
شانازی دەکەین و خۆشحاڵین بە سازکردنی چالاکیی لەو شێوەیە کە بەم ڕادە باشە پێشوازی لێ بکرێت.
ئەم لاپەڕەیە بڵاو بکەوە
هەواڵنامەکەمان ئابوونە بکەن
سوودەکانت
دوا ناکەویت لە وەرگرتنی زانیاری
هەمیشە دەتوانی لێی بچیتە دەرەوە
زانیارییە کەسییەکانت پارێزراون
.jpg)
