گرووپی باوکان لە نێوەندی خێزانی ڕەنگین گوڵ دەچێنێت

بەبۆنەی ڕۆژی نێونەتەوەیی باوکان و لە چوارچێوەی هەفتەی باوکاندا، گرووپی باوکان و پیاوانی ڕێکخراوی یەکماڵ ڕۆژی ١٦ی حوزەیرانی ٢٠٢٦ شوێنێکیان لە باخچەی نێوەندی خێزانی ڕەنگین دروست کرد و گوڵیان لێ چاند.

گرووپەکە لە ساڵی ٢٠١٧ەوە چالاکە و لە لایەن هاوکارمان ئاژۆ ئەمین سەرپەرشتی دەکرێت. گرووپێکی کراوەیە کە بەردەوام پێشوازی لە ئەندامی نوێ دەکات و بەشێوەیەکی ڕێکخراو کۆدەبێتەوە.

هەروەها گرووپەکە چەندین چالاکیی جۆراوجۆر ڕێکدەخات، لەوانە کاری دەستی، خوولی پەروەردەیی، پڕۆژەی ئینتەگراسیۆن، گەشت و چەندین وۆرک شۆپ.