نێوەندی تۆماری سەرەتایی

ڕێکخراوی یەکماڵ لە کانوونی یەکەمی ٢٠٢٢ بەدواوە، لە بەرلین شوێنێکی بۆ تۆمارکردنی سەرەتایی منداڵانی پەنابەر کردووەتەوە و هاریکارییان دەکات. کاری ئێمە ئەو کاتە دەست پێدەکات کە پەنابەرانی تەمەنبچووک (٦-١٤ ساڵان) دێنە ئەڵمانیا. لەم نێوەندەدا ژینگەیەکی ئارام و پشتگیری پێشکەشی منداڵ و نێوجەوانەکان دەکەین تا بتوانن هەنگاوە سەرەتاییەکانیان لەم وەڵاتە نوێیە بنێن. مەبەستمان ئەوەیە هاریکاری ئێوە بین تا بەزوویی لێرە جێگیر بن.

تیمە پسپۆڕەکەمان لە بواری جۆراوجۆردا پشتگیریی نێوجەوانان دەکات

• یەکەمین هەنگاو: ئێمە هاریکاریی نێوجەوانان دەکەین تا بتوانن لەم ژینگە تازەیەدا ڕێگەی خۆیان بدۆزنەوە. زانیارییە سەرەتاییەکانیان پێ دەدەین دەربارەی ئەڵمانیا و جڤاکەکەی.
• ڕێکخستنی پشتگیریی دەروونی: زۆر منداڵ و نێوجەوان هەن کە بە تراومادا تێپەڕیون. ئێمە لە نزیکەوە لەگەڵ پسپۆڕ و دامودەزگە تایبەتمەندەکان کار دەکەین بۆ ئەوەی چاودێڕی و ڕاوێژکاریی دەروونیی پێویستیان بۆ دابین بکەین.
• پشتگیریی زمانی: بۆ تێکەڵبوونی  ئەم جڤاکە، زمانی ئەڵمانی ڕۆڵی گرنگ دەگێڕێت. ئێمە کۆرسی زمان و ئۆفەری دیکەی فێرکاری پێشکەشی نێوجەوانان دەکات.
• ئینتیگراسیۆنی جڤاکی: ئێمە لە ڕێی چەندین چالاکی و بەرنامەوە پشتگیریی نێوجەوانان دەکەین لە تێکەڵبوونیان لەگەڵ جڤاکدا. هاریکارییان دەکەین تا هاوڕێیەتی بکەن و بەشداریی جڤاکی  بکەن.
• پشتگیریی وەرزشی: ئێمە چالاکییەوەرزشییەکان بە ڕێکوپێکی پێشکەشی منداڵان دەکەین بۆ ئەوەی تەندروست بن، ڕۆحی کاری تیمیان بەرەوپێش ببەن و بتوانن کاتەکانیان بەشێوەیەکی ئەرێنی بەسەر ببەن.
• پشتگیریی بیرۆکراسی: ئێمە لە کاروبارە فەرمییەکاندا پشتگیریی نێوجەوانان دەکەین و هاریکاریان دەبین بۆ بەدەستهێنانی بەڵگەنامە پێویستەکان.
• پێشخستنی کەسەکی: ئێمە گرنگییەکی زۆر بە پێشخستنی هێز و کارامەییە کەسییەکانی نێوجەوانان دەدەین بۆ ئەوەی لە بەرەوپێشچوونی کەسەکیدا هاریکاریان بین.

نێوەندەکەمان شوێنێکی ئارامە بۆ نێوجەوانان تا بتوانن تیایدا هەست بە ئاسوودەیی و پارێزراوی بکەن. ئێمە لەنزیکەوە لەگەڵ هاوبەشەکانمان و دامودەزگە جیاوازەکان کار دەکەین بۆ ئەوەی بە باشترین شێوە پشتگیرییان بکەین.

ئامانجەکانمان

• تێکەڵبوونی جڤاکی بەشێوەیەکی خێرا و کاریگەر
• بونیادنانی متمانە و خۆباوەڕی
• پشتگیریکردن لە بەرانبەر ئەزموونی تراوما بە هاوکاری لەگەڵ پسپۆڕان
• پشتگیریکردن لە پێشخستنی زمان و خوێندندا
• پێشخستنی کارامەییە جڤاکی و کەسییەکان.
• باشترکردنی ڕاهێنانی جەستەیی و کاری تیمی لە ڕێی چالاکیی وەرزشییەوە.

ڕێکخراوی یەکماڵ هەوڵ دەدات باشترین دەرفەتەکان پێشکەشی پەنابەرە تەمەنبچووکەکان بکات لەپێناو داهاتوویەکی گەش بۆ ئەوان لە ئەڵمانیا.

پێوەندی

E-Mail: stajuhitd@yekmal.de
Tel.: 0178 6820485
بەڕێوەبەری تیم: ڕۆزەرین بایسۆز
یاریدەدەران: لیزا بانیە