گێڕانەوەی چیرۆکی ژنانی ئێزدی لە برێمەن

ڕۆژی شەممە ٢٦ی نیسانی ٢٠٢٥، لە چوارچێوەی ڕۆژانی فەرهەنگی کوریدا لە برێمەن چالاکییەکی تایبەت بەڕێوەچوو. هەردوو نووسەر کلاودیا ڕووهس و سەبرا خالتی چیرۆکی پێنج ژنی ئێزدییان گێڕایەوە. لە چیرۆکەکاندا باس لە وەڵاتی خۆیان، هەڵاتنیان لە دەستی داعش و تا گەیشتنیان بە ئەڵمانیا دەکەن.

ئەو دوو نووسەرە لە کتێبەکەیاندا بە ناوی "کچانی خۆر" دەبنە دەنگی ژنانی ئێزدی. چیرۆکی ژیان و فەرهەنگیان لە وەڵات، هێرشی داعش، کۆچ و ڕەویان، تێکۆشانیان لەپێناو ژیان و بارودۆخی پەنابەری لە ئەڵمانیا دەگێڕنەوە.

سپاس بۆ هەموو بەشداران کە ئەو نیوەڕۆیە لە کافێ نۆن-ی شانۆی برێمەن لەگەڵمان بوون!